Paguneman nya eta kagiatan nyarita nu mangrupa kalimah langsung sarta para palakuna silih tempas ngalakukeun tanya jawab ( sipatna dua arah ).
Hal-hal nu kudu diperhatikeun dina paguneman nya eta :
1. Lafal ( artikulasi bentesna sora nalika maguneman)
2. Lentong Kalimah ( kudu puguh entep seureuhna antara pesen jeung struktur kalimah nu digunakeun, sarta luhur handap jeung panjang pondokna sora pieun ngabedakeun fungsi kalimah)
3. Sora
4. Basa (pilihan kecap/diksi); saha lawan nyarita, jeung dina kaayaan/situasi naon. hartina kudu merhatikeun tatakrama basa Sunda
5. Ngajiwaan ( ekspresi; pasemon/raut muka, jeung sikep awak/rigig waktu maguneman, ngarah nambah pesen nu ditepikeun leuwih katarima ku lawan nyarita )
Bedana paguneman jeung wawancara nya eta :
Wawancara mah kaasup kana nyarita saarah, palakuna aya nu bagian nanya (husus-nu ngawawancara) jeung aya nu bagian ngajawab (narasumber). Sedengkeun paguneman mah silih tempas, unggal palaku migoga hak pikeun nanya jeung ngajelaskeun atawa ngajawab.
CONTO PAGUNEMAN AYA DINA BUKU PAKET GENTRA BASA (TALAGA BANDUNG)
Ya Alloh mugia abdi sadayana saparantos lulus ti ieu sakola tiasa lancar nyarios basa Sunda sakumaha anu diwulangkeun ku Bapa sinareng Ibu guru. Aamiin
