Deskripsi nyaeta
tulisan atawa karangan anu eusina ngadadarkeun atawa ngebrehkeun kagiatan indra
(panempo, panguping, pangrasa, panyabak, pangambeu) minangka hasil
pangalamanana. Karangan deskripsi ngagambarkeun objek sajentre-jentrena.
Karangan
Eksposisi:
Karangan Argumentasi:
Eksposisi nyaeta tulisan atawa karangan anu
eusina ngajentrekeun atawa nerangkeun hiji objek/kajadian, kumaha prosesna,
tujuanana, pikeun ngajembarkeun pangaweruh hiji jalma, kumpulan jalma atawa
organisasi/kelembagaan.
Argumentasi
nyaeta tulisan atawa karangan anu eusina ngajentrekeun bener henteuna hiji
perkara dumasar kana alesan nu kuat nepi ka jalma lian yakin tur percaya kana
pamadegan anu disodorkeunana.
Conto Bacaan dicandak tina Tabloid Sunda Urang: Deskripsi
Barudak yatim nu asalna ti
lima sakola di Bogor ngumpul di kampus IPB Dramaga Bogor
pikeu jadi mahasiswa cilik IPB salila 3 jam dina poe Saptu, 23 Februari 2013. Acara ieu dibere ngaran “Yatim Energik dan
Sehat” (YES) anu mangrupakeun program Yayasan Yatim Mandiri anu rutin diayakeun
unggal bulan. Yayasan Yatim Mandiri
nyaeta hiji yayasan/lembaga amil zakat nu husus dina ngurusanana barudak yatim
piatu. Yayasan nu kantor pusatna di Surabaya ieu mibanda 30
cabang anu aktip ngayakeun program-program kasehatan, pendidikan, jeung
pemberdayaan ekonomi. Katua Cabang
Yayasan Yatim Mandiri Bogor, Agus Budiarto, ngajelaskeun yen acara YES ngahaja
dilaksanakeun di kampus sangkan barudak yatim boga sumanget pikeun diajar
kalayan giat sangkan bias ngahontal pendidikan
nepikeun ka jenjang perguruan tinggi.
Salian ti eta, acara YES oge diraranggeuyan ku acara panyuluhan
kasehatan, pamariksaan kasehatan, sareng ngabagikeun kadaharan jeung inuman
sehat. Acara oge diranggeuy sareng
caramah ngeunaan panyakit cacingeun ku dosen IPB, nyaeta Dr. Mira Dewi, M.Si.
Tanggepan tina Eusi Bacaan:
Bacaan anu judulna “Budak
Yatim jadi Mahasiswa Cilik” nerangkeun hiji program anu dilaksanakeun ku
Yayasan Yatim Mandiri nyaeta program YES.
Dina bacaan ieu dijentrekeun maksud jeung tujuanana ngayakeun kagiatan
di kampus IPB. Pangarang parantos
ngedalkeun kaayaan yayasan ieu sanajan
sakilas, jadi anu bade diekspose ku pangarang nyaeta yayasan/lembaga ieu anu
parantos gaduh cabang dimana-mana sareng rupi-rupi programnya dina widang
kasehatan, pendidikan, sareng pemberdayaan masyarakat.. Hanjakalna, pangarang kirang seuseur
ngadadarkeun hal ihwal anu sejenna ti yayasan.
Anu disorotna mung kajadian di kampus IPB wae. Tujuanana memang tos dikedalkeun dina karangan
ieu, tapi prosesna dugi ka palaksanaan program ieu henteu dijentrekeun
Conto Bacaan dicandak tina Tabloid Sunda Urang:
Pandan
wangi/seungit (Pandanus amaryllifolius Roxb.) tumuwuh di wewengkon tropis sarta
loba dipelak di palataran atawa di kebon.
Tutuwuhan ieu biasana aya di pasisir nepi ka wewengkon 500 m dpl,
pepelakan ieu mangrupa perdu taunan anu luhurna 1-2 m, tangkalna buleud kalayan
urut diuk daun, dadahanan, ngarayap, akar tunjang kaluar tina puhu tangkal
sarta dahan. Lambar daun ngawangun pita,
ipis, lesang, tungtung seukeut, sisi rata, tulangan sajajar , panjang 40-80 cm,
rubak 3-5 cm, cucukan temple dina indung tulang daun, bagian handap kelirna
hejo. Kembangna majemuk, wangun bongkol,
kelirna bodas. Buahna buah batu,
ngagantung wangun bal, diameter 4-7,5 cm, dinding buah buluan jeung kelirna
oranye.
Pandang
seungit sajaba minangka rempah-rempah oge dipake minangka bahan baku minyak seungit. Daunna seungit lamun digacel atawa disiksik,
mindeng dipake bahan panyedep, pawangi sarta bahan kelir hejo dina kadaharan
olahan atawa jajanan. Daun pandan anu
disiksik oege tiasa dipake pikeu daun rampe atawa kembang tujuh rupa.
Ngaran
lokal pandan wangi: pandan rampe, pandan
seungit, pandan room, pandan seungit (Jawa);
seuke bangu, seuke musang, pandan jau, pandan bebau, pandan seungit,
pandan musang (Sumatera); pondang, pondan, ponda, pondago (Sulawesi); kelamoni,
hao moni, keker moni, ormon foni, pondak, pondaki, pudaka (Maluku); pandan arum
(Bali); Bonak (NTT).
Pandan
wangi tiasa oge dipake pikeun ubar, diantarana ubar pikeun buuk murudul,
ngahideungkeun buuk ngaleungitkeun totombe, lemah sarap, teu napsu dahar,
rematik, linu, jste. Daun pandan
ngandung alkaloida, saponin, flavonoida, tannin, polifenol sarta zat kelir.
Tanggepan tina Eusi Bacaan: Eksposisi
Bacaan anu
judulna Pandan Wangi teh ngadadarkeun ciri-ciri obyek tina rupa tangkalna,
daun, kembang, buah sareng ciri-ciri tangkal sajentrena. Pangarangna oge tiasa masihan nami lokal ti
sababaraha bahasa daerah di Indonesia. Salian eta, pangarang oge ngadadarkeun
mangpaatna tina pandan wangi ieu. Cara
pamakean pandan wangi oge dijentrekeun ku pangarangna, mung hanjakalna, si
pangarang henteu ngajentrekeun kumaha cara ngabudidayakeun pepelakan ieu
supados tiasa dipraktekkeun ku urang sadayana.
Conto Bacaan dicaondak tina Tabloid Sunda Urang:
“Ngarengsekeun
Sosialisasi Penilaian Kinerja Guru” ngadadarkeun kajadian dina kagiatan
nerapkeun standar kompetensi pikeun tanaga pangajar di Gugus Bojonggaling,
Forum Kelompok Kerja Guru (KKG) Wilayah Bojonggaling, Kacamatan Bantargadung,
Kabupaten Sukabumi. Kagiatan ieu
dilaksanakeun pikeun ningkatkeun kualitas profesionalisme para guru di
Kacamatan Bantargadung. Kagiatan ieu
dilaksanakeun dumasar kana kayakinan yen guru teh jadi conto anu nangtukeun
hasilna jeung pinterna hiji murid, guru jadi conto strategis dina ngawujudkeun
pola piker jeung karakter pikeun sakabeh murid didikna. Kulantaran kitu, panilaian kana kinerja guru
kacida pisan pentingna pikeun diteruskeun tur ditingkatkeun pikeun ngawujudkeun
guru anu leuwih professional jeung produktif.
Salah sahiji nara
sumber dina kagiatan ieu, nyaeta Tati Sarwati, S.Pd, M.Si, ngajentrekeun
argumentasina nyaeta,”Upami guruna mibanda tanggel-waler sareng kaparigelan nu
sae, tos pasti muridna oge bakal janten murid nu sae.
Tanggepan tina Eusi Bacaan:
Bacaan anu
judulna “Ngarengsekeun Sosialisasi Penilaian Kinerja Guru” ngajentrekeun alesan
anu kuat pikeun nganilai kinerja para guru di Kacamatan Bantargadung. Argumentasi nara sumber dumasar kana kayakinan yen guru
gaduh tanggel-waler anu ageung pikeun kamajuan proses belajar-mengajar di
sakola. Memang leres upami guruna gaduh
kompetensi nu sae, kinerja guru pasti sae tur tiasa ngamajukeun murid-muridna. Tapi kompetensi guru ieu mung salah sahiji
paktor anu ngadukung kana pangajaran.
Salian ti guru, oge aya paktor-paktor lianna anu ngadukung kana kamajuan
proses belajar-mengajar di sakola, umpamana kurikulum anu sae, fasilitas pendidikan, tingkat kesadaran
masyarakat kana pendidikan, dukungan pamarentah, sareng sajabana ti eta. Dina bacaan ieu, pangarangna mung
ngadadarkeun salah sahiji dumasar argumentasi tina paktor kompetensi guru
wae. Aya saena upami didadarkeun oge
paktor-paktor liana anu ngadukung kana perkembangan murid-murid di sakola.
Conto Bacaan dicandak tina Tabloid Sunda Urang:
SDN Malabar mangrupakeun
panggabungan sakola antara SD Negeri Malabar 1 jeung SD Negeri Malabar 2 anu
aya di Kecamatan Bogor Tengah anu ayeuna
diluluguan ke Hj. Siti Nuryani, S. Pd. Dina
wanci ayeuna muridna aya 400 urang anu kabagi kana 12 rombongan balajar sareng
tanaga pangajarna aya 16 urang. Sakola
ieu tos kenging sababaraha prestasi diantawisna juara kahiji MTQ putra tingkat
Kecamatan Bogor Tengah, juara lomba ngawarna gambar tingkat TK/SD, juara
harapan kadua lomba lintas alam, juara katilu lomba estafet putra, juara kahiji
bulutangkis putra UPDT Bogor Tengah Gugus VIII, sareng juara kahiji Futsal BKM
terbuka. Silian prestasi, sakola ieu oge
getol ngajarkeun cara hirup sehat ka sadaya muridna sareng ngalaksanakeun
ekstra kulikuler pramuka jeung pencaksilat anu ngalatih kamandirian sareng
ngarojong perkembangan mental siswa.
Tanggepan tina Eusi
Bacaan:
Bacaan anu judulna SDN
Malabar geus ngajentrekeun perkawis kajadian anu lumangsung di sakola ieu, sateuacanna
digabungkeun, sakola ieu tadina mangrupakeun dua sakola anu papisah, nyaeta SDN
Malabar 1 jeung SDN Malabar 2.
Saparantosna digabung janten hiji sakola, nyaeta SDN Malabar, sakola ieu
tiasa ngedalkeun rupi-rupi prestasi anu sae.
Panyerat karangan ieu parantos tiasa ngajentrekeun peristiwa anu
parantos lumangsung di sakola ieu sanajan sakedik kateranganana, tapi pikeun
anu maos karangan ieu tiasa uninga
perkawis kajadian anu parantos lumangsung di sakola ieu.
Sumber